Track Order Status

ਵਿਗਿਆਨਕ ਵਰਤਾਰਿਆ ਅਤੇ ਮੁੱਦਿਆਂ ਉਪਰ ਕਲਮ ਅਜਮਾਈ ਕਰਨਾ ਹਾਰੀ ਸਾਰੀ ਦਾ ਕੰਮ ਨਹੀਂ ਹੁੰਦਾ। ਵਿਗਿਆਨ ਸਾਹਿਤ ਲਿਖਣ ਵਾਲੇ ਬੜੇ ਘੱਟ ਲੇਖਕ ਪੰਜਾਬੀ ਵਿੱਚ ਲਿਖਦੇ ਹਨ।

ਵਿਗਿਆਨ ਸਾਹਿਤ ਲਿਖਣ ਦੇ ਕਾਰਜ ਵਿਚ ਪਿਛਲੇ ਡੇਢ ਦਹਾਕੇ ਤੋਂ ਪ੍ਰਿੰਸੀਪਲ ਹਰੀ ਕ੍ਰਿਸ਼ਨ ਮਾਇਰ ਸਰਗਰਮ ਹਨ। ਉਸ ਦੇ ਨਿਬੰਧ, ਕਹਾਣੀਆਂ, ਬੱਚਿਆਂ ਲਈ ਕਹਾਣੀਆਂ, ਕਵਿਤਾਵਾਂ, ਪ੍ਰੇਰਕ ਪ੍ਰਸੰਗ, ਵਿਗਿਆਨਕਾਂ ਦਾ ਜੀਵਨ ਬਰੱਖਾ, ਵਿਗਿਆਨਕ ਪੱਤਕਾਵਾਂ ਅਤੇ ਰੋਜ਼ਾਨਾ ਅਖ਼ਬਾਰਾਂ ਦੇ ਮੈਗਜ਼ੀਨ ਫੀਚਰਾਂ 'ਚ ਪ੍ਰਕਾਸ਼ਤ ਹੁੰਦਾ ਹੀ ਰਹਿੰਦਾ ਹੈ। ਪਾਠਕ ਬੜੀ ਦਿਲਚਸਪੀ ਨਾਲ ਪੜ੍ਹਦੇ ਹਨ । ਉਹ ਚਾਹੇ ਆਮ ਲੋਕਾਂ ਲਈ ਲਿਖੇ, ਚਾਹੇ ਬਾਲਾਂ ਲਈ, ਉਸ ਦੀ ਹਰ ਰਚਨਾ 'ਚ ਵਿਗਿਆਨਕ ਨਜ਼ਰੀਆ ਝਲਕਦਾ ਹੈ। ਉਹ ਮਿਥਿਹਾਸਕ ਧੂੜ ਨੂੰ ਲੋਕ ਮਨਾਂ 'ਚੋਂ ਹਟਾ ਕੇ ਵਿਗਿਆਨਕ ਹਕੀਕਤਾਂ ਦਾ ਪ੍ਰਚਾਰ ਕਰਨਾ ਚਾਹੁੰਦੇ ਹਨ। ਇਥੋਂ ਤੀਕ ਕਿ ਪਾਠਕਾਂ ਦੇ ਵਤੀਰੇ, ਸੋਚ ਅਤੇ ਵਿਹਾਰ 'ਚ ਤਰਕ ਅਤੇ ਦਲੀਲ ਲਿਆਉਣ ਦੇ ਇਛੁਕ ਹਨ।

ਮੈਨੂੰ ਪੂਰਾ ਯਕੀਨ ਹੈ ਪੁਸਤਕ 'ਮਹਾਨ ਖੋਜਕਾਰ' ਚਾਹੇ ਵੱਡੇ ਪੜ੍ਹਨ ਚਾਹੇ ਬੱਚੇ ਤੁਸੀ, ਇਸ ਨੂੰ ਦਿਲਚਸਪੀ ਨਾਲ ਪੜ੍ਹੋਗੇ। ਬੱਚੇ ਖੋਜਕਾਰਾਂ ਦੇ ਜੀਵਨ ਤੋਂ ਪ੍ਰੇਰਨਾ ਲੈਣਗੇ। ਇਹ ਪੁਸਤਕ ਖੋਜਕਾਰਾਂ ਦੇ ਸੰਦਰਭ 'ਚ ਵਿਲੱਖਣ ਜਾਣਕਾਰੀਆਂ ਪ੍ਰਦਾਨ ਕਰੇਗੀ।

- ਪ੍ਰਿ. ਮਾਇਰ