Track Order Status

ਜਦੋਂ ਦਾ ਦੇਸ਼ ਭਾਰਤ ਤੋਂ ‘ਇੰਡੀਆ’ ਹੋਇਆ ਹੈ; ਐਜੂਕੇਸ਼ਨ ਇਕਨੋਮਿਕਸ ਹੋ ਗਈ ਹੈ...

ਪਰ ਨਾਟਕ ਉਨ੍ਹਾਂ ਲੋਕਾਂ ਦੀ ਗੱਲ ਕਰਦਾ ਹੈ, ਜਿਹੜੇ ਇਸ ਬਦਲਦੇ ਮਹੌਲ ਨੂੰ ਸਮਝ ਨਹੀਂ ਪਾਏ ਤੇ ਅਰਥ-ਸ਼ਾਸਤਰ ਦੇ ਪੀਰੀਅਡ ਵਿਚ ਸਮਾਜ ਸ਼ਾਸਤਰ ਪੜ੍ਹਾਉਂਦੇ ਰਹਿ ਗਏ। ਉਨ੍ਹਾਂ ਨੇ ਜ਼ਿੰਦਗੀ ਨੂੰ ਸੁਤੰਤਰਤਾ ਸੰਗਰਾਮ ਸਮਝ ਕੇ ਜੀਵਿਆ ਪਰ ਸੁਤੰਤਰਤਾ ਇੰਨੀ ਤੇਜ਼ੀ ਨਾਲ ਆਈ ਤੇ ਅਗਾਂਹ ਲੰਘ ਗਈ ਕਿ ਉਨ੍ਹਾਂ ਦੇ ਆਦਰਸ਼, ਉਨ੍ਹਾਂ ਦੀਆਂ ਕਦਰਾਂ-ਕੀਮਤਾਂ ਤੇ ਸਿੱਧਾਂਤ ਪਿੱਛੇ ਰਹਿ ਗਏ। ਪਹਿਲਾਂ ਨਕਸਲਾਈਟ ਮੂਵਮੈਂਟ, ਫਿਰ ਹਿੱਪੀਵਾਦ ਤੇ ਅੰਤ ਵਿਚ ਨਸ਼ਾਵਾਦ ਉਨ੍ਹਾਂ ਦੇ ਸੁਪਨਿਆਂ ਨੂੰ ਖਾ ਗਿਆ ਗਿਆ। ਉਹ ਜਿਨ੍ਹਾਂ ਥੀਊਰੀਆਂ ਨੂੰ ਦੇਸ਼ ਦੀਆਂ ਸਾਰੀਆਂ ਮੁਸ਼ਕਿਲਾਂ ਦਾ ਹੱਲ ਮੰਨੀ ਬੈਠੇ ਸਨ, ਉਨ੍ਹਾਂ ਦਾ ਪ੍ਰੈਕਟੀਕਲ ਇੰਨਾ ਔਖਾ ਸੀ ਕਿ ਇਸਦੀ ਅੱਗ ਵਿਚ ਉਨ੍ਹਾਂ ਦੇ ਘਰ-ਪਰਿਵਾਰ, ਉਨ੍ਹਾਂ ਦਾ ਆਪਾ ਤੇ ਉਨ੍ਹਾਂ ਦਾ ਸਵੈਮਾਨ ਝੁਲਸ ਗਿਆ ਪਰ ਇਸ ਅੱਗ ਨੂੰ ਬੁਝਾਉਣ ਲਈ ਪਾਣੀ ਦੀ ਬੂੰਦ ਕਿਤੇ ਦੂਰ ਦੂਰ ਵੀ ਨਹੀਂ ਸੀ। 

ਅੰਤ ਜ਼ਿੰਦਗੀ ਦੀ ਸੁੰਨਸਾਨ ਉਮਰ ਵਿਚ ਪਹੁੰਚ ਕੇ ਉਹ ਚੀਖ਼ ਪਏ... ‘‘ਘੜੇ ਵਿਚ ਪਾਣੀ ਇੰਨਾ ਘੱਟ ਕਿਉਂ ਹੈ ? ’’